Valid Regragi Marokash terma jamoasidan iste’foga chiqdi

Marokash Qirollik futbol federatsiyasi Valid Regragi milliy terma jamoa bosh murabbiyi lavozimini tark etganini e’lon qildi.

«Jamoaga yangi murabbiy bilan birga yangi qiyofa, o‘zgacha energiya va yangicha qarash kerak. O‘ylaymanki, JCH-2026 oldidan jamoa rivojlanishda davom etishi uchun unga yangi hayot va yangi tasavvur zarur. Mening ketish haqidagi qarorim ushbu jamoa evolyutsiyasining bir qismidir», — dedi Regragi.

Eslatib o‘tamiz, yanvar oyida Marokash terma jamoasi Afrika Kubogi finalida Senegalga imkoniyatni boy bergan edi.

50 yoshli marokashlik mutaxassis 2022 yilning avgustidan beri jamoani boshqarib kelayotgan edi. Uning qo‘l ostida marokashliklar 49 ta o‘yin o‘tkazib, 36 ta g‘alaba, 8 ta durang va 5 ta mag‘lubiyat qayd etishdi.

Roziqjon Sultonmurodov

Jurnalist