Uoker: «Trentning terma jamoaga chaqirilmagani juda g'alati»
Angliya terma jamoasi va Kayl Uoker yana bir bahsli qaror markazida qoldi. Tajribali himoyachi jamoa murabbiylar shtabi Trent Aleksander-Arnoldni 2026-yilgi jahon chempionatiga chaqirmaganiga keskin munosabat bildirdi.
«Real» futbolchisining Angliya termasiga chaqirilmagani — bu juda g'alati holat. Biz doim Trent nimani yomon qilayotgani haqida gapiramiz. Keling, u nimani yaxshi qilayotganini ham muhokama qilaylik. U to'pni uzatish, hujumni boshlash, golli paslar va muhim o'yinlardagi tajribasi jihatidan dunyodagi eng yaxshi o'ng qanot himoyachilaridan biri», — dedi u.
Ma'lumot uchun, “Real Madrid” himoyachisi joriy mavsumda barcha musobaqalarda 30 ta o'yin o'tkazib, 5 ta golli uzatmani amalga oshirgan.
Bu qaror Angliya termasi atrofida katta muhokamalarga sabab bo‘lmoqda — ayniqsa, jahon chempionati oldidan tajribali va ijodkor o'yinchilarning chetda qolishi savollar uyg'otmoqda.
