Unai Simon JCh-2026ning eng yaxshi darvozaboni deb topildi
Ispaniya terma jamoasi posboni Unai Simon 2026-yilgi Jahon chempionatining eng yaxshi darvozaboni deb e’lon qilindi. Ispanlar turnir finalida Argentina terma jamoasini 1:0 hisobida mag‘lub etib, jahon chempionligini qo‘lga kiritishdi. Unai Simon mazkur musobaqa davomida o‘tkazilgan 8 ta uchrashuvda o‘z darvozasidan bor-yo‘g‘i bitta gol o‘tkazib yubordi.
Eslatib o‘tamiz, final bahsidagi yagona gol 106-daqiqada Ispaniya terma jamoasi hujumchisi Ferran Torres tomonidan kiritildi. Argentinaliklar esa yarim himoyachi Enso Fernandesning 90+3-daqiqada maydondan chetlatilganidan so‘ng o‘yinni bir kishi kam bo‘lib yakunlashga majbur bo‘lishdi.
2026-yilgi Jahon chempionati 11-iyundan 19-iyulga qadar AQSh, Kanada va Meksika maydonlarida bo‘lib o‘tdi. Avvalgi dunyo birinchiligida Argentina terma jamoasi g‘olib chiqqan edi. 2022-yili Qatarda o‘tgan turnir finalida ular Fransiya termasini taslim etishgandi (3:3, penaltilar bo‘yicha — 4:2).
