Umar Eshmurodov: Endi muxlis sifatida davom etamiz

Futbolchi O‘zbekiston milliy jamoasidagi faoliyatini yakunlaganini e’lon qildi.

Futbol Bugun da 15:08

Ibrohim Jalolov

Redaktor

Umar Eshmurodov O‘zbekiston milliy jamoasidagi faoliyatini yakunlaganini e’lon qildi.

«Nasaf»ning 33 yoshli himoyachisi bu haqda instagram sahifasida ma’lum qildi.

«Milliy jamoa — orzu, sharaf, or-nomus, g‘urur...

Endi muxlis sifatida davom etamiz. Olg‘a, O‘zbekiston!» — deb yozib qoldirdi futbolchi.

Eshmurodov O‘zbekiston milliy jamoasining Jahon chempionatiga chiqishida asosiy himoyachilardan biri edi. U saralashda 8 ta bahsda harakat qilgandi.

Umarga mundialda o‘ynash imkoniyati berilmadi. U uchala o‘yinda ham zaxirada qoldirildi va Avazbek O‘lmasaliyev hamda Botirali Ergashev bilan bir qatorda maydonga tushmagan uch futbolchidan biri bo‘ldi. Ya’ni bosh murabbiy Fabio Kannavaro 26 o‘yinchining 23 nafaridan foydalandi.