Uilyam Pacho «PSJ» bilan shartnomani uzaytirish borasida kelishuvga erishdi
Tomonlar oʻrtasida tuziladigan yangi bitim 2030 yilga qadar amal qiladi.
FOTO: Getty Images
Ekvadorlik himoyachi Uilyam Pacho «Pari Sen-Jermen» bilan yangi shartnoma shartlarini kelishib oldi. Bu haqda RMC Sport xabar bermoqda.
Manbaga ko‘ra, futbolchining poytaxt klubi bilan tuzadigan yangi bitimi 2030 yilning yozigacha amal qiladi. Qayd etilishicha, Pachoning maoshi sezilarli darajada oshadi.
Eslatib oʻtamiz, Pacho 2024 yilning avgust oyida Frankfurtning «Ayntraxt» klubidan «PSJ»ga 45 million yevro evaziga transfer qilingan. Shuningdek, u faoliyati davomida «Independiente del Valle» va «Antverpen» klublari sharafini ham himoya qilgan.
Maʼlumot uchun, joriy mavsumda himoyachi 13 ta o‘yinda maydonga tushib, bir gol urgan. Transfermarkt ma’lumotlariga ko‘ra, Pachoning hozirgi bozor qiymati 65 million yevroni tashkil etadi.
Nasrullo Karimov
Jurnalist