Uelbek «Chelsi»ga o'tmoqda – Romano
Angliyalik hujumchi Denni Uelbek 2028 yilgacha mo'ljallangan shartnoma asosida 'Chelsi' safiga qo'shilmoqda. London klubi 35 yoshli futbolchining transferi bo'yicha 'Brayton' bilan to'liq kelishuvga erishdi. Bu haqda insayder Fabritsio Romano xabar berdi.
Manbaga ko'ra, Uelbek 'Chelsi' bilan shaxsiy shartnoma shartlarini ham kelishib oldi. Endi futbolchi tibbiy ko'rikdan o'tadi, shundan so'ng transfer rasmiy yakunlanadi. 'Brayton' esa hujumchining rasmiy transfer so'rovini inobatga olib, uning ketishiga rozilik bergan.
Denni 'Manchester Yunayted' akademiyasi tarbiyalanuvchisi hisoblanadi va asosiy jamoada ham to'p surgan. Shuningdek, u faoliyati davomida 'Arsenal', 'Uotford' va boshqa klublar sharafini ham himoya qilgan. Tajribali hujumchi 2020 yildan buyon 'Brayton' safida o'ynab kelayotgandi.
Uelbek o'tgan mavsum barcha musobaqalarda 40 ta uchrashuvda maydonga tushib, 14 ta gol urdi va 2 ta golli uzatmani amalga oshirdi.
