UEFA FIFAga urush e'lon qildi
FIFA Jahon chempionatining tijoriy huquqlarining bir qismini tashqi investorlarga sotishni rejalashtirmoqda. Bu esa Yevropa futbol assotsiatsiyalarining keskin noroziligiga sabab bo‘ldi. UEFAga a’zo assotsiatsiyalar shu hafta favqulodda yig‘ilish o‘tkazadi. Agar FIFA prezidenti Janni Infantino ushbu rejani amalga oshirishda davom etsa, ular Jahon chempionatini boykot qilish masalasini muhokama qilishi mumkin.
UEFA bu tashabbusni futbol boshqaruvida hech qachon kesib o‘tilmasligi kerak bo‘lgan “qizil chiziq” deb baholadi Tashkilot bayonotida shunday deyiladi: “Hech birimiz futbolga egalik qilmaymiz. FIFAning uni sotishga haqqi yo‘q.”
Yana bir e’tiborli jihati shundaki, bu reja 2026-yilgi Jahon chempionatidan oldin futbol assotsiatsiyalari bilan o‘tkazilgan rasmiy uchrashuvlarda umuman muhokama qilinmagan. Hozircha UEFA Jahon chempionatini boykot qilish bo‘yicha rasmiy qaror qabul qilgani yo‘q. Biroq FIFA ushbu rejadan voz kechmasa, futbol tarixidagi eng yirik mojarolardan biri yuzaga kelishi mumkin.
