UEFA 14 ta klubni moliyaviy qoidalarni buzgani uchun jazoladi
UEFA Klublarni moliyaviy nazorat qilish organi (CFCB) 2025/26-yilgi mavsum yakunlari bo‘yicha moliyaviy monitoring natijalarini e'lon qildi. Unga ko‘ra, Yevropaning 14 ta klubi moliyaviy barqarorlik qoidalarini buzganlikda aybdor deb topildi.
Hisobotga ko‘ra, qoidabuzarliklar futbol daromadlari qoidasi, tarkib xarajatlari limiti hamda moliyaviy hisobotlarni yuritish talablari bilan bog‘liq. UEFA ayrim klublarga jarima solgan bo‘lsa, ba'zilariga futbolchilarni ro‘yxatdan o‘tkazish bo‘yicha cheklovlar ham qo‘lladi.
Eng yirik jarimalardan biri Italiyaning «Yuventus» klubiga tegishli bo‘ldi. Shuningdek, «Nyukasl», «Aston Villa», «Chelsi», «Strasbur», «Nitssa», «Fiorentina», «Nottingem Forest», «Fenerbahche», AEK, «Santa Klara», «Panatinaikos», «Vardar» va yana bir qator klublar ham UEFA sanksiyalariga duch keldi.
UEFA ta'kidlashicha, klublarning kelgusidagi moliyaviy faoliyati doimiy nazorat ostida bo‘ladi. Belgilangan talablar yana buzilgan taqdirda, qo‘shimcha jarimalar, transfer cheklovlari yoki hatto UEFA musobaqalaridan chetlatish kabi sanksiyalar qo‘llanishi mumkin.
