Uarton: «His-tuyg‘ularni so‘z bilan ifodalab bo‘lmaydi»
Angliyaning «Kristal Pelas» klubi yarim himoyachisi Adam Uarton Konferensiyalar ligasi finalida Ispaniyaning «Rayo Vallecano» jamoasi ustidan qo‘lga kiritilgan g‘alaba (1:0) haqida o‘z fikrlarini bildirdi.
«O‘tgan yili Angliya Kubogidan keyingi bayramni o‘tkazib yuborgandim, shu sababli bu safar albatta o‘rnini to‘ldiraman. His-tuyg‘ularni so‘z bilan ifodalab bo‘lmaydi. Janubiy London uchun, muxlislar uchun bu nimani anglatishini ko‘rib turibsiz-ku. Bu aqlga sig‘maydigan holat.
Himoyani yorib o‘tish qiyin bo‘lishini bilardik. Bu juda yaxshi tayyorlangan jamoa. Ispaniyada u eng mehnatkash va maqsad sari intiluvchan jamoalardan biri hisoblanadi. O‘yin boshi, finallardagidek, ancha ehtiyotkorona boshlanib, asta-sekin o‘z ritmimizga tushib oldik.
Ko‘proq gol urib, vazifamizni yengillashtirishimiz kerak edi, lekin shundoq ham uddaladik», — deya Uartonning so‘zlarini keltiradi UEFA rasmiy sayti TNT Sports’ga tayanib.
