U21 chempionati. «Dinamo» yoshlarining 5 o'yinlik g'alabali seriyasi Andijonda to'xtadi
U21 chempionati 10-tur doirasida "Dinamo" U21 jamoasi Andijonga safar qildi.
Turnirda 2-o'rinda borayotgan Rafael Balasanyan bosh murabbiyligidagi Samarqand jamoasi 3-o'rindagi "Andijon" U21 jamoasi bilan bahsda munosib qarshilik ko'rsatgan bo'lsa-da, alamli tarzda mag'lub bo'ldi – 1:0.
Birinchi bo'limda "Dinamo" futbolchisi Abdulahad Hoshimov jarima maydoni ichida "Andijon"ning ikki futbolchisi tomonidan qo'pollik bilan to'xtatilgan bo'lsa-da, bosh hakam Doston Mirzaraimov bu vaziyatda penalti belgilamadi. Ikkinchi bo'lim boshida esa jamoamizning ikki yaqqol hujumi ofsayd deya to'xtatib qolindi.
Shu tariqa, "Dinamo" U21 20 ochko bilan 3-o'ringa tushdi, "Andijon" U21 esa 21 ochko bilan 2-o'ringa ko'tarildi.
U21 chempionati. 10-tur
"Andijon" U21 - "Dinamo" U21 – 1:0
Gol: Hamidullo Karimov, 77.
"Dinamo": Sarvar Karimov, Oybek Hamroqulov, Akbar Xujoyberdiyev, Abdulahadjon Hoshimov, G'olibjon Bahromov, G'olibjon Odilov, Mashhur Obidov, Islom Xoldorov, Dilshod Rahmonov, Edem Seitveliev, Rahmatulloh Izzatulloyev.
