U21 chempionati. «Dinamo» U21 jamoasi Toshkentda «Paxtakor»ga qarshi kambek qildi
“Dinamo” yoshlari navbatdagi 3 ochkoni qoʻlga kiritdi.
Фото: Динамо ПФК
U21 chempionati 8-turidan oʻrin olgan uchrashuvda “Dinamo” yoshlar jamoasi Toshkentda “Paxtakor” mehmoni boʻldi.
Qiziqarli kechgan bahsda mezbonlar hisobni ochgan boʻlsa-da, Abdulahadjon Hoshimov 69-daqiqada hisobni tenglashtirdi – 1:1.
Zaxiradan maydonga tushirilgan Xislat Xalilov esa 88-daqiqada gʻalaba golini urib, “Dinamo” yoshlari uchun yana 3 ochkoni taʼminladi.
Shu tariqa, Rafael Balasanyan shogirdlari 17 ochko bilan 2-oʻringa koʻtarildi, “Paxtakor” esa 15 ochko bilan 3-oʻrinda bormoqda.
U21 chempionati. 8-tur
“Paxtakor” U21 - “Dinamo” U21 – 1:2
Gollar: Diyor Ermanov, 54 (1:0), Abdulahadjon Hoshimov, 69 (1:1), Xislat Xalilov, 88 (1:2).
