«U yerda ham g‘alaba qozonish uchun Mayamiga boramiz». Martinelli — Shotlandiyaga qarshi o‘yin haqida
Braziliya terma jamoasi va Londonning "Arsenal" klubi hujumchisi Gabriel Martinelli milliy jamoaning Gaiti terma jamoasi ustidan qozongan g‘alabasi (3:0) borasida o‘z fikrlarini bildirdi.
Shuningdek, JCH-2026 guruh bosqichining so‘nggi uchrashuvi — Shotlandiyaga qarshi bahsga tayyorgarlik haqida gapirdi. Uchrashuv 25 iyun kuni bo‘lib o‘tadi.
"Biz o‘z o‘yinimizdan xursandmiz. O‘yin davomida hammasi ajoyib bo‘ldi va, rostini aytsam, biz ko‘proq gol urishimiz mumkin edi. Ammo, aytganimdek, biz vazifani yaxshi uddaladik va g‘alabadan mamnunmiz. Endi Shotlandiyaga qarshi o‘yinga tayyorgarlik ko‘ramiz — u yerda ham g‘alaba qozonish uchun Mayamiga boramiz", – deya Martinellining so‘zlarini keltiradi DailyAFC’ning X ijtimoiy tarmog‘idagi sahifasi.
Jahon chempionati – 2026 11 iyundan 19 iyulgacha bo‘lib o‘tmoqda. Turnirning guruh bosqichidagi ikki tur natijasiga ko‘ra Braziliya to‘rt ochko jamg‘arib, C guruhida birinchi o‘rinni egallab turibdi.
