U-17 Jahon chempionati oldidan ishtirokchi jamoalar rasmiylari ishtirokida uchrashuv boʻlib oʻtdi
Ertaga, 3 noyabr kuni Qatar mamlakatida FIFA U-17 Jahon chempionati start oladi. Unda Islombek Ismoilov boshqaruvidagi Oʻzbekiston U-17 terma jamoasi Osiyo chempioni sifatida ishtirok etadi.
Bugun turnir oldidan ishtirokchi jamoalar rasmiylari ishtirokida uchrashuv boʻlib oʻtdi. Unda FIFA va mahalliy tashkiliy qo‘mita tomonidan musobaqaga oid masalalar, xususan, reglament, tibbiyot, xavfsizlik, media va marketing yoʻnalishlari yuzasidan tushuntirish va eslatmalar berib oʻtildi.
Ma’lumot o‘rnida, 17 yoshgacha futbolchilar oʻrtasidagi FIFA Jahon chempionati joriy yilning 3–27 noyabr kunlari Doha shahridagi «Espayr» akademiyasi maydonlarida boʻlib oʻtadi. Final uchrashuvi esa «Xalifa» xalqaro stadionida o‘tkaziladi. O‘zbekiston U-17 terma jamoasi turnir doirasidagi ilk uchrashuvni 5 noyabr kuni Paragvayga qarshi o‘tkazadi.
