U-17 jahon chempionati. Finalchilar aniq bo‘ldi

Qatar maydonlarida 17 yoshgacha bo‘lgan futbolchilar o‘rtasida o‘tkazilayotgan jahon chempionatida yarim final bellashuvlari bo‘lib o‘tdi.

Dastlab Avstriya o‘smirlar jamoasi Italiyaga qarshi maydonga tushib, 2:0 hisobida zafar quchdi. Aynan italiyaliklar chorak finalda O‘zbekistonni musobaqadan chiqarib yuborgan edi.

Ikkinchi yarim finalda esa Braziliya va Portugaliya jamoalari to‘qnash kelishdi. Penaltilar seriyasiga qadar davom etgan keskin bahsda yevropaliklar 6:5 hisobida g‘alaba qozondi.

Ma’lumot uchun, final bahsi 27-noyabr kuniga belgilangan. 3-o‘rin uchun bahsda esa Braziliya va Italiya kuch sinashadi.

Roziqjon Sultonmurodov

Jurnalist