Tyeri Anri JCh-2026 favoritlari nomini aytdi
«Arsenal» va «Barselona» klublarining sobiq hujumchisi Tyeri Anri 2026 yilgi Jahon chempionati favoritlari haqidagi fikrlari bilan o‘rtoqlashdi.
«Avvalo, amaldagi chempion — Argentinaga katta hurmat ko‘rsatish lozim. Bu hali ham juda kuchli jamoa, ularning safida 10-raqam ostida Messi to‘p tepmoqda. Keyingi o‘rinda biz, ya’ni Fransiya turibmiz. Bizda ajoyib milliy terma jamoa shakllangan, oxirgi ikkita finalga qadar yetib bordik. Va nihoyat, Ispaniya. Meni bir narsa hayratda qoldiradi: tarkibda qanday futbolchilar bo‘lishidan qat’i nazar, bu jamoa doimo bir xil — o‘ziga xos jozibador uslubda o‘ynaydi. Ulardan to‘pni olib qo‘yish juda qiyin», — dedi Anri.
Eslatib o‘tamiz, jahon chempionati joriy yilning 11 iyunidan 19 iyuliga qadar uchta mamlakat — AQSH, Kanada va Meksika hududlarida bo‘lib o‘tadi. Dunyo birinchiligida tarixda ilk bor 48 ta terma jamoa ishtirok etadi. Jamoalar to‘rttadan 12 ta guruhga bo‘lingan holda g‘oliblik uchun kurash olib borishadi.
