Тьяго – АПЛда январь ойининг энг яхши футболчиси
Бразилиялик футболчи ўтган ойда 5 та гол урди.
Фото: АПЛ
“Брентфорд” ҳужумчиси Игорь Тьяго Англия Премьер-лигасида январь ойи якунларига кўра энг яхши футболчиси деб топилди.
Ўтган ойда Тьяго Англия чемпионати доирасида «Брентфорд»нинг бешта ўйинида майдонга тушди. Уларда бразилиялик футболчи ўз ҳисобига бешта гол ёзиб қўйди.
Тьяго 17 та гол билан ҳозирда Премьер-лига мавсуми тўпурарлар пойгасида иккинчи ўринни эгаллаб турибди. Пешқадам, албатта, ҳисобида 22 та гол бўлган Эрлинг Холанд.
Маълумот учун, «Брентфорд» айни дамда Премьер-лига турнир жадвалида еттинчи ўринда бормоқда.
Roziqjon Sultonmurodov
Jurnalist