Tuxel Angliya milliy jamoasi bilan shartnomasini uzaytirgani haqida fikr bildirdi
Germaniya terma jamoasi bosh murabbiyi Tomas Tuxel Angliya futbol assotsiatsiyasi bilan shartnomani 2028 yilgacha uzaytirgani haqida o‘z fikrlarini bildirdi. 52 yoshli mutaxassis terma jamoa matbuot xizmati orqali bergan bayonotida Angliya terma jamoasidagi faoliyatini davom ettirayotganidan juda mamnun va faxrda ekanligini ta’kidladi.
Tuxel ushbu jamoa bilan ishlash unga katta zavq bag‘ishlashini va futbolchilarni jahon chempionati o‘yinlariga olib tushish imkoniyatini intiqlik bilan kutayotganini aytdi.
Shuningdek, u bu vazifani ulkan imkoniyat deb baholab, butun mamlakat jamoa bilan faxrlanishi uchun bor kuchini ishga solishga va’da berdi.
Eslatib o‘tamiz, Tomas Tuxel 2025 yilning 1 yanvaridan buyon Angliya terma jamoasini boshqarib kelmoqda. Uning qo‘l ostida jamoa 2026 yilgi jahon chempionati saralash bosqichida birorta ham gol o‘tkazib yubormasdan guruhda birinchi o‘rinni egalladi. Tajribali murabbiy muqaddam «Chelsi», Dortmundning «Borussiya»si va «PSJ» kabi grand klublarda faoliyat yuritgan.
