Turkiya Superligasi. Shomurodov toʻliq oʻynagan bahsda «Bashakshehir» «Fenerbahche» bilan durang oʻynadi
Turkiya Superligasining 15-turida Nuri Shahin boshchiligidagi «Istanbul Bashakshehir» o‘z maydonida turnir jadvalida 2-o‘rinda borayotgan «Fenerbahche»ni qabul qilib, 1:1 hisobida durang natija qayd etdi.
Uchrashuvning birinchi bo‘limida hisob ochilmadi. 64-daqiqada «PSJ»ning sobiq himoyachisi Milan Shkrinyar hisobni ochdi. 81-daqiqaga kelib esa Abbosbek Fayzullaev o‘rniga zaxiradan maydonga tushgan Bertug Yildirim farqni yo‘qqa chiqardi va jamoasiga muhim bir ochko olib berdi.
Ma’lumot o‘rnida, «Bashakshehir» ushbu durangdan so‘ng ochkolarini 17 taga yetkazib, 9-o‘ringa ko‘tarildi. «Fenerbahche» esa 33 ochko bilan ikkinchi pog‘onadagi o‘rnini mustahkamlab oldi.
Turkiya Superligasi. 15-tur
«Bashakshehir» — «Fenerbahche» 1:1
Gollar: Yildirim (81) — Shkrinyar (64).
