Turkiya chempionati. Shomurodov gol urgan, Fayzullaev assist qayd etgan bahsda \"Bashakshehir\" safarda g‘alaba qozondi
Turkiya Superligasining 21-turi doirasida “Eyupspor” va “Bashakshehir” jamoalari o‘rtasidagi uchrashuv yakuniga yetdi. Unda 2:1 hisobida g‘alabaga erishdi.
Dastlab Abbosbek Fayzullaev tomonidan amalga oshirilgan aniq uzatmadan so‘ng germaniyalik hujumchi Davie Selke bosh bilan darvozani ishg‘ol qilib, “Bashakshehir”ni oldinga olib chiqdi.
Ikkinchi bo‘lim boshida mehmonlar ustunligini mustahkamladi. 53-daqiqada o‘zbekistonlik hujumchi Eldor Shomurodov gol urib, hisobni 2:0 ko‘rinishiga keltirdi.
Shu tariqa, “Bashakshehir” Turkiya chempionatining 21-turida muhim uch ochkoni qo‘lga kiritdi. Jamoa ushbu g‘alabadan so‘ng 33 ochko jamg‘arib, turnir jadvalining 6-pog‘onasiga ko‘tarildi. Mag‘lub bo‘lgan “Eyupspor” esa 18 ochko bilan autsayderlar safida qolmoqda.
Turkiya Superligasi. 21-tur
“Eyupspor” — “Bashakshehir” 1:2
Gollar: 0:1 — Selke (14), 0:2 — Shomurodov (53), 1:2 — Bozok (90+3)
