Trossard “Beshiktosh”ga o‘tishga yaqin - The Athletic
“Arsenal” vingeri Leandro Trossard faoliyatini Turkiyada davom ettirishi mumkin.
The Athletic xabariga ko‘ra, “Beshiktosh” London klubi bilan 31 yoshli belgiyalik futbolchining transferi bo‘yicha kelishuvga erishgan.
Bitim umumiy 20 mln yevroga baholanmoqda. Shundan 18 mln yevro asosiy transfer summasi, yana 2 mln yevro esa bonus va qo‘shimcha to‘lovlar sifatida ko‘zda tutilgan.
Hozircha futbolchining shaxsiy shartnoma shartlari bo‘yicha muzokaralar davom etmoqda.
Ma’lumot uchun, Trossardning “Arsenal” bilan amaldagi shartnomasi 2027-yil yoziga qadar mo‘ljallangan. O‘tgan mavsumda u Mikel Arteta jamoasi safida 50 ta o‘yinda maydonga tushib, 8 ta gol va 11 ta assist qayd etgan.
Ayni vaqtda Trossard Belgiya terma jamoasi safida JCh-2026da ishtirok etmoqda.
