\"Trento\"ning 18 yoshli futbolchisi Marokashda YTH oqibatida vafot etdi

Italiyaning "Trento" klubi yoshlar jamoasi futbolchisi Sami Said Marokashda yuz bergan yo'l-transport hodisasi oqibatida 18 yoshida vafot etdi.

Dastlabki ma'lumotlarga ko'ra, fojia futbolchi ta'til vaqtida Marokashda bo'lganida sodir bo'lgan. Shifokorlarning sa'y-harakatlariga qaramay, uning hayotini saqlab qolishning imkoni bo'lmadi.

"Trento" klubi rasmiy bayonot orqali Sami Saidning vafoti munosabati bilan chuqur qayg'uda ekanini bildirib, uning oila a'zolari, yaqinlari va jamoadoshlariga samimiy hamdardlik izhor qildi.

Hodisa yuzasidan tegishli organlar tomonidan surishtiruv ishlari olib borilmoqda.

Nasrullo Karimov

Jurnalist

0 0 0 0 0 0