Trent Aleksander-Arnold: «Bu holat futbol uchun sharmandalikdir»
«Real» hujumchisi Vinisius bilan bogʻliq holat haqida fikr bildirdi.
FOTO: Getty Images
Madridning «Real» klubi qanot himoyachisi Trent Aleksander-Arnold Chempionlar Ligasi pley-off bosqichi doirasidagi «Benfika» bilan o‘yinda yuz bergan irqchilik mojarosi haqida o‘z fikrlarini bildirdi.
Eslatib o‘tamiz, Vinisius Junior raqib hujumchisi Janluka Prestiannini irqchilikda ayblagan edi.
«O‘ylashimcha, sodir bo‘lgan voqea — futbol uchun sharmandalik. Bu holat o‘yinning o‘zini ham, Vinining ajoyib golini ham soyada qoldirdi. Vinisius o‘z faoliyati davomida bunday holatlarga bir necha bor duch kelgan.
Jamoamiz uchun bunday oqshomni barbod qilish — uyatli holat. Buning na futbolda, na jamiyatda o‘rni bor. Bu jirkanchlikdir», — deya Aleksander-Arnoldning so‘zlarini keltiradi BBC nashri.
Nasrullo Karimov
Jurnalist