Totti A Seriya chempionligi uchta favoritni sanadi
Hozirda "Inter" 24 ochko bilan jadvalda yetakchilik qilmoqda.
ФОТО: Getty images
"Roma"ning sobiq futbolchisi Franchesko Totti A Seriya favoritlari haqida gapirdi.
Eslatib o‘tamiz, "Inter" 24 ochko bilan jadvalda yetakchilik qilmoqda. "Roma" ham xuddi shunday ochkoga ega, faqat to‘plar farqi bo‘yicha ortda qolmoqda.
"Fikrimcha, joriy mavsumda Skudetto uchun uchta favorit bor: "Inter", "Napoli" va "Milan". Men "rossonerilar" haqidagi fikrimni o‘zgartirdim, chunki ular haftada atigi bitta o‘yin o‘tkazadilar – ularda tiklanish va tayyorgarlik ko‘rish uchun ko‘proq vaqt bor va Allegrining ta’siri ham muhim.
Menimcha, bu uch jamoa chempionlik uchun oxirigacha kurashadi", – dedi Totti.
Roziqjon Sultonmurodov
Jurnalist