«Tottenxem» Viktor Osimhen uchun taklif bilan chiqdi
"Tottenxem" klubi "Galatasaray" hujumchisi Viktor Osimhenni o‘z safiga qo‘shib olish uchun dastlabki taklifini yubordi. Bu haqda insayder Ekrem Konur xabar berdi.
Ma'lumotlarga ko‘ra, London klubi nigeriyalik forvard uchun taxminan 58–65 million yevro taklif qilgan. Biroq turk grandi bu mablag‘ni yetarli deb hisoblamayapti va futbolchisini kamida 76 million yevro atrofida sotishni rejalashtirmoqda.
Osimhen bilan nafaqat "Tottenxem", balki Angliyaning "Manchester Yunayted" va "Chelsi", shuningdek Ispaniyaning "Atletiko" klublari ham jiddiy qiziqish bildirmoqda. Ushbu jamoalarning barchasi hujumchining kelajagi bilan bog‘liq vaziyatni diqqat bilan kuzatib bormoqda.
Eslatib o‘tamiz, "Galatasaray" Viktor Osimhenni 2025 yil yozida Italiya klubi "Napoli"dan 75 million yevro evaziga xarid qilgan edi.
27 yoshli hujumchining "Galatasaray" bilan amaldagi shartnomasi 2029 yilning iyunigacha mo'ljallangan. Transfermarkt portali esa futbolchining bozor qiymatini 75 million yevro deb baholamoqda.
