«Tottenxem» Savinyoning transferini hal qildi — Romano
"Tottenxem" klubi "Manchester Siti" vingeri Savinyo transferi bo‘yicha kelishuvga erishdi. Bu haqda jurnalist Fabrizio Romano ijtimoiy tarmoqlarda xabar berdi.
Tomonlar bitim shartlarini kelishib olgan va 22 yoshli futbolchi tibbiy ko‘rikdan o‘tish uchun Londonga yo‘l oladi.
Manbaga ko‘ra, transfer qiymati taxminan 99 million yevroni tashkil qiladi. Barcha zarur jarayonlar yakunlangandan so‘ng futbolchi bilan shartnoma rasmiylashtiriladi.
Shu bilan birga, "Tottenxem"ning "Manchester Siti"ning yana bir futbolchisi — Omar Marmush bo‘yicha muzokaralari alohida tarzda davom etmoqda.
Savinyo o‘tgan mavsumda barcha turnirlarda 36 ta uchrashuvda maydonga tushib, 4 ta gol urdi va 3 ta assist qayd etdi. U APLda "Siti" safida 53 ta o‘yinda atigi 2 ta gol urgan.
