«Tottenhem» qishki transferlar uchun 150 million funt ajratdi

«Tottenhem» rahbariyati yaqinlashib kelayotgan transfer oynasi uchun futbolchilar xaridiga 150 mln funt sterling mablag‘ ajratdi. Bu haqda The Sun nashri xabar bermoqda.

Manbaga ko‘ra, londonliklarning asosiy transfer maqsadi «Bornmut» vingeri Antuan Semenyu hisoblanadi. Biroq ganalik futbolchining «Tottenhem»ga o‘tishi ehtimoli past ekani ta’kidlanmoqda.

Shu bilan birga, «shporlar» o‘tgan yozda qiziqish bildirgan «Manchester Siti» qanot hujumchisi Savio nomzodiga yana qaytishi mumkin.

Angliya chempionatining 17-turidan so‘ng Tomas Frank shogirdlari 22 ochko jamg‘arib, turnir jadvalida 14-o‘rinni egallab turibdi. APLning 18-turida «Tottenhem» 28 dekabr kuni «Kristal Pelas»ga qarshi maydonga tushadi.

Nasrullo Karimov

Jurnalist