«Tottenhem» klub tarixidagi eng yomon natijani qayd etdi
Angliyaning «Tottenhem» klubi UEFA Chempionlar Ligasining 1/8 finalida «Atletiko»dan uchralgan 2:5 hisobidagi mag‘lubiyatdan so‘ng, klub tarixidagi eng yomon natijani qayd etdi.
Opta Sport statistik portalining xabar berishicha, «shporlar» o‘z tarixida ilk bor barcha turnirlarni hisobga olgan holda ketma-ket oltita rasmiy uchrashuvda mag‘lubiyatga uchradi. Bundan avvalroq, jamoa Angliya Premyer-ligasida ham beshta o‘yin davomida g‘alaba qozona olmagan edi.
Ushbu omadsiz seriya fonida klub rahbariyati bosh murabbiy Tomas Frankni iste’foga chiqardi. Hozirgi kunda jamoani xorvatiyalik mutaxassis Igor Tudor boshqarmoqda.
Jamoalar o‘rtasidagi javob uchrashuvi 18 mart, chorshanba kuni Londondagi «Tottenham Hotspur» stadionida bo‘lib o‘tadi. Igor Tudor shogirdlarini bunga qadar Angliya Premyer-ligasi doirasida «Liverpul»ga qarshi qiyin safar uchrashuvi kutib turibdi.
