«Tottenhem» Igor Tudorga oʻrinbosar qidirish ishlarini tezlashtirdi — manba
«Tottenhem» klubi bosh murabbiy Igor Tudorga o‘rinbosar qidirish ishlarini jadallashtirgan. Xorvatiyalik mutaxassisning kelajagi borasidagi yakuniy qaror 15 mart kuni Angliya chempionatining 30-turi doirasida «Liverpul»ga qarshi o‘tadigan o‘yindan so‘ng qabul qilinadi. Bu haqda The Athletic jurnalisti Devid Ornshtein xabar bermoqda.
Manba ma’lumotlariga ko‘ra, klub rahbariyati murabbiylik masalasida hali aniq to‘xtamga kelmagan. Hozirgi kunda «shporlar» yangi murabbiyga uzoq muddatli shartnoma taklif qilish yoki vaqtinchalik mutaxassisni jalb etish variantlarini birdek ko‘rib chiqmoqda.
Igor Tudor «Tottenhem» bosh murabbiyi lavozimida joriy yilning 14 fevralidan buyon ishlab kelmoqda. Uning klub bilan tuzgan mehnat shartnomasi joriy mavsum yakuniga qadar amal qiladi.
