«Tottenhem» De Zerbi bilan aloqaga chiqdi — manba
«Tottenhem» klubi rahbariyati Igor Tudor iste’foga chiqarilgach, jamoani boshqarishga tayyorligini bilish maqsadida «Brayton» va «Marsel» sobiq bosh murabbiyi Roberto De Zerbi bilan aloqaga chiqdi. Biroq italiyalik mutaxassis yozga qadar kutishni afzal ko‘rmoqda, chunki u Premyer-ligada barqaror loyihada ishlash niyatida. Bu haqda jurnalist Ben Jeykobs ma’lum qildi.
Insayderning so‘zlariga ko‘ra, London klubi nomzodlar ro‘yxatida quyidagi mutaxassislar ham bor:
- Shon Daych
- Adi Xyutter
- Robbi Kin
- Kris Xyuton
- Garri Rednapp
Shuningdek, klub rahbariyati murabbiylar shtabiga «Tottenhem» tarixiga aloqador bo‘lgan insonni qo‘shish variantini ham ko‘rib chiqmoqda. Bunda u bosh murabbiy bo‘lmasa-da, shtabda muhim o‘rin tutishi nazarda tutilgan.
Eslatib o‘tamiz, Igor Tudor 14 fevraldan buyon jamoani boshqarib, 7 ta o‘yinda 5 ta mag‘lubiyat qayd etdi. Hozirda «shporlar» 30 ochko bilan 17-o‘rinda bormoqda va xavfli hududdan atigi bir ochko yuqorida turibdi.
