«Tottenhem» bosh murabbiyi Igor Tudorning og‘ir judolikka uchradi
Mutaxassis «Nottingem Forest»ga qarshi oʻyindan soʻng otasi vafot etgani haqida xabar oldi.
FOTO: Getty Images
«Tottenhem» bosh murabbiyi Igor Tudorning otasi Mario Tudor vafot etdi. Bu haqda London klubining X ijtimoiy tarmog‘idagi rasmiy sahifasi xabar bermoqda.
Mutaxassis bu noxush xabarni Angliya Premyer-ligasining 31-turi doirasida o‘tkazilgan «Nottingem Forest»ga qarshi o‘yindagi mag‘lubiyatdan (0:3) so‘ng eshitgan. Murabbiy oilaviy sabablarga ko‘ra o‘yindan keyingi matbuot anjumanida ishtirok eta olmadi, jurnalistlarning savollariga uning yordamchisi Bruno Saltor javob berdi.
«Tottenhem» ijtimoiy tarmoqlar orqali jamoa murabbiyiga hamdardlik bildirib, uning oilasini qo‘llab-quvvatlashini ma’lum qildi.
Ma’lumot o‘rnida, ayni damda London jamoasi 30 ochko bilan Angliya Premyer-ligasi turnir jadvalida 17-o‘rinni egallab turibdi.
Nasrullo Karimov
Jurnalist