Toshkent va Jizzax shaharlarida OFKning “C” litsenziyasi bo‘yicha murabbiylik o‘quv kurslari muvaffaqiyatli yakunlandi
Toshkent va Jizzax shaharlarida OFKning “C” litsenziyasi bo‘yicha murabbiylik o‘quv kurslari muvaffaqiyatli yakunlandi.
Mazkur kurslarda mahalliy instruktorlar bilan bir qatorda xorijiy mutaxassislar ham ishtirok etdi. Xususan, Toshkent shahridagi mashg‘ulotlarga FIFA instruktori Maykl Pfumpf (Germaniya), Jizzax shahridagi kurslarga esa UEFA instruktori Zelko Chetkovich (Chernogoriya) rahbarlik qildi.
O‘quv jarayonida ishtirokchilarga nazariy va amaliy mashg‘ulotlar o‘tkazilib, zamonaviy futbol metodikasi, murabbiylik faoliyatining muhim jihatlari hamda futbolchilarni tayyorlashning ilg‘or usullari bo‘yicha zarur bilim va tavsiyalar berildi.
Kurslarni muvaffaqiyatli tamomlagan tinglovchilarga OFKning “C” litsenziyasini olish uchun tegishli sertifikatlar topshirildi.
