Toshkent shahrida futbol tibbiyoti boʻyicha xalqaro seminar boʻlib oʻtadi
7–8-iyun kunlari poytaxtimizda futbol tibbiyoti boʻyicha xalqaro seminar boʻlib oʻtadi. Unda maʼruzachilar sifatida xorijning bir qator taniqli sport tibbiyoti mutaxassislari, jumladan Rossiya terma jamoasi va SSKA klubi bosh shifokori, UEFA tibbiy qoʻmitasi aʼzosi Eduard Bezuglov hamda SSKA jamoasi shifokori, ilmiy xodim Georgiy Malyakin ishtirok etadi.
Seminar doirasida futbolchilarning tiklanish jarayonlari, jarohatlarning oldini olish, to‘g‘ri ovqatlanish, yuklamalarni boshqarish, jismoniy va funksional imkoniyatlarni testdan o‘tkazish, turli ob-havo sharoitlarida mashg‘ulot olib borish, shuningdek jarohatlar ustida individual ishlash va monitoring kabi mavzular qamrab oladi.
Seminarda futbol tibbiyoti mutaxassislari hamda murabbiylar ishtiroki ko‘zda tutilgan.
