Toney APLga qaytish uchun maoshining kamayishiga rozi
29 yoshli hujumchiga "Tottenhem" va "Everton" jamoalari jiddiy qiziqish bildirmoqda.
ФОТО: Getty images
Saudiya Arabistonining "Al-Ahli" klubi hujumchisi Ayven Toney yanvar oyida APLga qaytish uchun maoshining keskin kamayishiga rozi bo'ldi. Bu haqda TEAMtalk xabar berdi.
Manbaga ko'ra, inglizning 29 yoshli forvardiga "Tottenhem" va "Everton" jamoalari jiddiy qiziqish bildirmoqda.
Futbolchi kelasi yili Jahon chempionatida Angliya terma jamoasi tarkibida bo'lishni istamoqda. Shu sababli ham APLga qaytishni rejalashtirmoqda.
Ma'lumot o'rnida, hozir futbolchining "Al-Ahli"dagi yillik maoshi taxminan 23,5 million yevroni tashkil etadi.
Joriy mavsumda Toney barcha musobaqalar doirasida 15 ta o'yinda maydonga tushib, 11 ta gol urdi va 2 ta assist muallifi bo'ldi.
Roziqjon Sultonmurodov
Jurnalist