Tomori APLning ikki klubi qiziqishiga qaramay, «Milan» bilan shartnomasini uzaytiradi
28 yoshli himoyachi «rossonerilar» safida qolishga qaror qildi.
FOTO: Getty Images
Italiyaning «Milan» klubi himoyachisi Fikayo Tomori klub bilan shartnomani uzaytirishga yaqin turibdi. Bu haqda jurnalist Nikolo Skira X (Twitter) ijtimoiy tarmog‘ida xabar berdi.
«Fikayo Tomori «Milan» bilan shartnomani uzaytirishga bir qadam qoldi. Asosiy kelishuvga erishildi. Markaziy himoyachiga Premer-liganing ikki klubi qiziqish bildirgan, ammo u «Milan»da qolishni xohladi va uzoq muddatli shartnomani imzolashga tayyor», — deb yozdi Skira.
Joriy mavsumda 28 yoshli Tomori Italiya A Seriyasida 15 o‘yinda maydonga tushdi va 2 golga uzatma berdi. Shuningdek, U Kubokda 3 o‘yinda ishtirok etib, 1 golga uzatma qilgan.
Nasrullo Karimov
Jurnalist