Tomas Frank «Fulhem»ga qarshi oʻyinda Vikarioga xushtakbozlik qilgan muxlislarni tanqid qildi
«Tottenhem» bosh murabbiyi Tomas Frank jamoa muxlislarini keskin tanqid qildi. 13-tur doirasida «Fulxem»ga qarshi o‘yinda (1:2) ikkinchi gol o‘tkazib yuborilganidan so‘ng, «shporlar» darvozaboni Gulelmo Vikario muxlislar tomonidan hushtakbozlikka uchradi.
O‘sha epizodda darvozabon darvozadan uzoqroqqa chiqib, to‘pni noaniq qaytargan va u raqib futbolchisi oyog‘iga borib tushgan edi — natijada «Tottenhem» yana bir bor gol o‘tkazdi.
«Menga yoqmadi, muxlislarimiz uning har bir to‘p teginishida darhol hushtak chalishni boshlashdi. Ular bunday qilsa, «Tottenhem»ning haqiqiy muxlislari bo‘la olmaydi. Chunki maydonda hamma bir-biriga yordam berishi kerak.
Biz imkon qadar yaxshi o‘ynash uchun bor kuchimizni sarflayapmiz. O‘yindan keyin — marhamat, tanqid qiling, bu muammo emas. Lekin o‘yin vaqtida emas. Menimcha, bu qabul qilib bo‘lmaydigan holat», — deydi Frank.
