Todd Bouli “Chelsi” prezidenti lavozimini tark etdi
Bu haqda “Chelsi” matbuot xizmati xabar berdi.
ФОТО: Getty images
Amerikalik biznesmen Todd Bouli “Chelsi” futbol klubi prezidenti lavozimidan iste’foga chiqdi. Shuningdek, u klubdagi o‘z ulushini sotadi. Bu haqda “Chelsi” matbuot xizmati xabar berdi.
Bouli va Mark Uolterning klubdagi ulushini Clearlake kompaniyasining sho‘ba korxonasi sotib oladi. Shu tariqa, mazkur kompaniya “Chelsi” ustidan to‘liq nazoratni qo‘lga kiritadi.
2022-yil 28-may kuni “Chelsi” Bouli tomonidan asos solingan BlueCo konsortsiumi tomonidan sotib olingan edi.
Bouli rahbarligi davrida “Chelsi” ikkita sovrinni qo‘lga kiritdi. Londonliklar 2025-yilda Konferensiyalar ligasi hamda klublar o‘rtasidagi jahon chempionatida g‘olib bo‘ldi.
