Terri Anri Bundesliga klubiga bosh murabbiy bo'lishi mumkin
Le Journal du Dimanche nashrining yozishicha, 47 yoshli fransiyalik mutaxassis Terri Anri Germaniyaning “RB Leyptsig” jamoasi bosh murabbiyligi uchun nomzodlar ro'yxatiga kiritilgan. Klub rahbariyati hujumkor va tomoshabop o'yin uslubini tanlaydigan, yosh iste'dodlar bilan ishlashni bilgan va Red Bull tizimi bilan aloqalari bor murabbiy izlamoqda. Anri 2010–2014 yillarda “Nyu-York Red Bullz” safida to'p surgan.
Anri Red Bull rahbarlaridan biri Oliver Mintslaff bilan yaxshi munosabatlarga ega. Shuningdek, uning tayinlanishi Red Bull futbol bo'limi rahbari Yurgen Klopp tomonidan ham ma'qullanishi kutilmoqda. Tomonlar o'rtasidagi uchrashuv yaqin kunlarda bo'lib o'tadi. Anri nemis tilini bilmasada, bu holat tayinlovga to'sqinlik qilmaydi. Boshqa nomzodlar orasida “Kristal Pelas”ni boshqaruvchi Oliver Glasner va “Komo” murabbiyi Fransesk Fabregas ham bor.
Eslatib o'tamiz, “Leyptsig”ning sobiq murabbiyi Marko Roze mart oyi oxirida lavozimidan ozod etilgan edi. Hozircha jamoani vaqtincha Jolt Lëv boshqarmoqda. Anrining so'nggi ish joyi Fransiya olimpiya termasi bo'lgan — u 2024 yilgi Olimpiadada ikkinchi o'rinni egallagan.
