TerDU klubiga Nukusga bora olmasligidan kelib chiqib, texnik mag‘lubiyat yoziladi
Bunga sabab sifatida klubdagi moliyaviy holatning barqaror emasligi ko‘rsatib o‘tilgan.
Фото: UzPFL
Proliga ishtirokchisi TerDU 21-turdan o‘rin olgan Aral klubiga qarshi uchrashuvga bora olmasligini Ligaga ma’lum qildi. Bunga sabab sifatida klubdagi moliyaviy holatning barqaror emasligi ko‘rsatib o‘tilgan.
Proliga reglamentining 14.8-bandidan kelib chiqib, Liga TerDU klubining xatini ma’lumot uchun qabul qildi hamda uchrashuvni o‘tkazish bilan bog‘liq barcha rejalarni, ya’ni, uchrashuv rasmiylarining Nukusga safarini bekor qildi. Reglament asosida Aral — TerDU uchrashuvida mezbon jamoaga 3:0 hisobidagi texnik g‘alaba, mehmonlarga esa shu hisob bilan texnik mag‘lubiyat yoziladi.
