Ter Shtegen Kataloniyaning boshqa klubiga o’tishi mumkin
Unga "Aston Villa" ham qiziqish bildirayotgani haqida xabarlar tarqalgan edi.
ФОТО: Getty images
"Barselona" darvozaboni Mark-Andre ter Shtegen "Jirona"ga o‘tishga yaqinroq turibdi. Bu haqda Sport.es nashri xabar bermoqda.
Manbaga ko‘ra, Kataloniya klubi germaniyalik darvozabonni o‘z safiga qo‘shib olish uchun maksimal darajada harakat qilmoqda va optimistik kayfiyatda. "Jirona" ikki klub o‘rtasidagi yaxshi ishchi munosabatlar kelishuvni muvaffaqiyatli yakunlashga yordam berishiga umid qilmoqda.
Eslatib o‘tamiz, avvalroq OAVda ter Shtegenga "Aston Villa" ham qiziqish bildirayotgani haqida xabarlar tarqalgan edi.
Roziqjon Sultonmurodov
Jurnalist