Teo Ernandes \"Al-Hilol\"ning taklifini rad etishi mumkin
Futbolchi Yevropada qolishni istamoqda
Photo: Getty Images
“Milan” va Fransiya terma jamoasi himoyachisi Teo Ernandes Saudiya Arabistonining “Al-Hilol” klubiga o‘tmasligi mumkin, deya xabar beradi insayder Fabrizio Romano.
Manbaga ko‘ra, shartnoma shartlari bo‘yicha tomonlar kelisha olishmagan. Teo yakuniy qarorga kelmagan.
Qayd etilishicha, “Al-Hilol” boshqa futbolchilarni kuzatishga kirishishi mumkin.
Oldinroq OAVda “Milan” va “Al-Hilol” 30 million yevrolik transfer bo‘yicha kelishib olgani haqida xabarlar tarqalgan edi.
O‘tgan mavsumda Ernandes barcha turnirlarda 49 ta o‘yinda qatnashib, 5 ta gol urdi va 6 ta golli uzatmani amalga oshirdi. Futbolchining klub bilan amaldagi mehnat shartnomasi 2026 yilning yoziga qadar tuzilgan.
Roziqjon Sultonmurodov
Jurnalist
