“Talabalar ligasi” musobaqasining Respublika bosqichi yakunlandi
Andijon shahrida oliy ta’lim muassasalari jamoalari o‘rtasida an'anaviy tarzda o‘tkazib kelinayotgan futzal bo‘yicha “Talabalar ligasi” musobaqasining Respublika bosqichi o‘z yakuniga yetdi.
Ushbu turnir O‘zbekiston Respublikasi Prezidentining "Ommaviy va professional futbolni har tomonlama rivojlantirishning qo‘shimcha chora-tadbirlari to‘g‘risida"gi qaroriga muvofiq tashkil etilgan.
Ushbu bosqichda Qoraqalpog‘iston Respublikasi, viloyatlar va Toshkent shahridan 16 jamoa 4 ta guruhga bo'lingan holda bahslarda ishtirok etishdi.
O‘tkazilgan qizg‘in bahslar natijasiga ko‘ra, Andijon davlat universiteti jamoasi chempionlikni qo‘lga kiritdi. Farg‘ona davlat universiteti jamoasi ikkinchi o‘rinni egallagan bo‘lsa, Qarshi davlat universiteti vakillari uchinchi o‘ringa sazovor bo‘ldi.
