Tajribali Branko Chirich Andijonning jismoniy tayyorgarlik boʻyicha murabbiyi
"Andijon" klubi murabbiylar shtabiga yangi mutaxassis qoʻshildi. Endilikda serbiyalik tajribali mutaxassis Branko Chirich jismoniy tayyorgarlik boʻyicha murabbiy sifatida ish boshladi.
"U 1983-yilning 21-may sanasida tavallud topgan. Chirichning oxirgi klubi Qozogʻistonning "Astana" klubi hisoblanadi. Shuningdek, Vojdovas (Serbiya), Aktau (Qozogʻsiton), Radnichki (Serbiya), Chukarikchi (Serbiya) kabi klublarda ham jismoniy tayyorgarlik boʻyicha murabbiy sifatida ishlagan.
"Astana" bilan mamlakat chempionligiga va Kubokka erishgan. Qolaversa, u Yevropa hamda Konferensiyalar ligasida ham ishtirok etgan.
Chirich tajribali mutaxassis boʻlib, endilikda futbolchilarimizning jismoniy holatini yanada yaxshilab boradi.
Brankoni jamoamizda xush koʻrdik!",-deb yoziladi klub rasmiy sahifasida.
