Surxondaryoda «Hokim olimpiadasi» musobaqalari davom etmoqda
Termiz shahrida sport kurashlari hamda gandbol bo‘yicha “Hokim olimpiadasi” musobaqalarining viloyat bosqichi yuqori saviyada tashkil etildi.
Unda viloyatning barcha shahar va tumanlaridan saralangan yosh sportchilar ishtirok etib, sport kurashlari hamda gandbol yo‘nalishlarida o‘zaro bellashishdi. Musobaqalar davomida ishtirokchilarning jismoniy va texnik tayyorgarligi, tezkorligi hamda jamoaviy harakatlari alohida e’tiborga sazovor bo‘ldi.
Sport kurashlari bahslarida yosh polvonlar turli vazn toifalarida g‘oliblik uchun kurash olib borayotgan bo‘lsa, gandbol musobaqalarida jamoalar murosasiz va qiziqarli uchrashuvlar orqali o‘z mahoratini namoyish etdi.
Tadbir yakunida g‘olib va sovrindorlar diplom hamda medallar bilan taqdirlandi. Shuningdek, g‘olib sportchilar keyingi bosqich yo‘llanmasini qo‘lga kiritishdi.
