\"Surxon\" bilan \"Surxon\" o'rtoqlik o'yini o'tkazdi
Ayni kunlarda butun dunyo bo'ylab FIFA kunlari davom etmoqda. Superliga jamoalari jismoniy holatlarini ushlab turish maqsadida o'zaro o'rtoqlik uchrashuvlari tashkil etmoqda. Ba'zi jamoalar esa qo'shni davlatlarda bir necha kunlik mashg'ulotlarni olib bormoqda. “Surxon” jamoasi ham FIFA kunlaridagi bo'sh vaqtdan unumli foydalangan holatda bu safar o'zaro ikkiga bo'lingan holatda nazorat bahsini tashkil qildi.
"Bugun jamoamiz ikki tomonlama o‘yin o‘tkazdi, unda futbolchilar ikki jamoaga bo‘lindi. Ushbu o‘yin maqsadi futbolchilarning taktik savodxonligini oshirish hamda jamoaviy harakatlarda o‘zaro tushunishni mustahkamlashdan iborat edi",-deb yoziladi Termiz shahrining bosh jamoasi rasmiy sahifalarida
Eng so'nggi xabar va yangiliklarni Sports24.uz sayti orqali kuzatib boring.
