Superliga. «Qo‘qon-1912» o‘z maydonida «Surxon»ni mag‘lub etdi
Photo: Qo‘qon-1912 PFK
O‘zbekiston chempionatida 19-tur uchrashuvlari davom etmoqda.
“Qo‘qon-1912” klubi Qo‘qonda “Surxon”ni qabul qildi. O‘yin 2:0 hisobida mezbonlar g‘alaba qozondi.
Dastlab 7-daqiqada Kleyd Datsi penaltidan hisobni ochdi. 90+3-daqiqada Javohir Husonov ikkinchi gol muallifiga aylandi. Bu esa qo‘qonlik futbolchilarga ketma-ket ikkinchi g‘alabani olib keldi.
Natijada Bahrom Haydarov shogirdlari ochkolari sonini 18 taga yetkazib, 13-o‘ringa ko‘tarildi. “Surxon” esa 23 ochko bilan 8-pog‘onada qoldi.
Superliga. 19-tur
“Qo‘qon-1912” 2:0 “Surxon”
Gollar: Kleyd Datsi 7-pen, Javohir Husonov 90+3
Bahrom Bobonov
Redaktor