Superliga. O‘zbek «El-Klasiko»sida «Paxtakor» «Neftchi»dan ustun keldi
Jamoalar ochkolar bo‘yicha tenglashib olishdi.
Фото: Пахтакор ПФК
O‘zbekiston Superligasi 6-turidan o‘rin olgan “Neftchi” — “Paxtakor” o‘rtasidagi markaziy uchrashuv bo‘lib o‘tdi.
Farg‘ona shahridagi “Istiqlol” stadionida kechgan o‘zbek “El-Klasiko”sida “Paxtakor” 1:0 hisobida g‘alaba qozondi.
O‘yindagi yagona gol 22-daqiqada Doston Hamdamov tomonidan kiritildi. Ushbu vaziyatda burchakdan yetkazilgan uzatmadan so‘ng jarima maydoni ichida sarosima yuzaga keldi. Vaziyatdan unumli foydalangan Hamdamov “Paxtakor”ning g‘alaba goliga mualliflik qildi.
Mazkur g‘alabadan so‘ng “Paxtakor” ochkolari sonini 15 taga yetkazib, peshqadam “Neftchi”ga yetib oldi.
Superliga, 6-tur
Neftchi – Paxtakor 0:1
Gol: Hamdamov 22.
Roziqjon Sultonmurodov
Jurnalist