Superliga davom ettirilishi oldidan «Buxoro» a’zolari uchun hakamlik mavzusida maxsus seminar o‘tkazildi.
O‘zbekiston futbol hakamlari markazi tajribali instruktori Zokir Qodirov tomonidan asosiy jamoamiz, U-21, U-19 hamda ayollar jamoamiz a’zolari uchun o‘yin qoidalariga kiritilgan so‘nggi o‘zgartirishlar, o‘yin tempini oshirishga qaratilgan yangiliklar hamda xalqaro musobaqalarda qo‘llanilayotgan zamonaviy hakamlik yondashuvlari yuzasidan batafsil tushuntirishlar berildi.
Shuningdek, mazkur qoida va o‘zgartirishlarning kelgusida Superliga, Proliga, Birinchi liga hamda ayollar Oliy ligasi uchrashuvlarida ham amaliyotga tatbiq etilishi, ularni qo‘llash tartibi va mazmun-mohiyati ishtirokchilarga batafsil tushuntirilmoqda.
Mazkur seminarlar o‘yin qoidalarining yagona talqinda qo‘llanilishini ta’minlash, futbol ishtirokchilarining qoidalarga oid bilimlarini mustahkamlash hamda Superliga, Proliga, Birinchi liga va Ayollar oliy ligasi uchrashuvlarini yuqori saviyada tashkil etishga xizmat qiladi.
