Sulsher «MYU»ni boshqarish uchun asosiy da’vogar

“Manchester Yunayted” rahbariyati mavsum yakuniga qadar vaqtinchalik bosh murabbiy lavozimi bo‘yicha nomzodlar bilan yuzma-yuz uchrashuvlar o‘tkazishni rejalashtirmoqda. Klubning qisqa ro‘yxatidan Ole Gunnar Sul­sher va Maykl Kerrik joy olgan. Bu haqda The Athletic xabar berdi.

Manbaga ko‘ra, ayni paytda Sul­sher asosiy favorit sifatida ko‘rilmoqda, biroq yakuniy qaror shaxsiy uchrashuvlar natijasidan keyin qabul qilinadi.

Eslatib o‘tamiz, “Byornli”ga qarshi eng yaqin o‘yinda jamoani Darren Flet­cher boshqaradi.

Hozirda “Manchester Yunayted” Angliya chempionati jadvalida 31 ochko bilan oltinchi o‘rinda bormoqda.

Roziqjon Sultonmurodov

Jurnalist