Stouns: «Bahona qidirishni istamayman, bu oʻyindan xulosa chiqarishimiz kerak»
«Manchester Siti» himoyachisi Jon Stouns Chempionlar ligasi 5-turida «Bayer»ga qarshi 0:2 hisobidagi mag‘lubiyatdan so‘ng fikr bildirdi.
Stounsning aytishicha, natijaga jamoa tarkibidagi ko‘plab rotatsiyalarni bahona sifatida ko‘rsatish oson bo‘lardi, biroq u g‘alaba ham, mag‘lubiyat ham, mas’uliyat ham yonma-yon turishini takidladi:
«Bahona qidirgimiz kelmayapti. Tarkibdagi o‘zgarishlar sabab yutqazdik deyish oson, lekin har bir futbolchi o‘z rolini bajaradi. Biz jamoa bo‘lib yutamiz va jamoa bo‘lib yutqazamiz. Bugungi natijadan juda xafa bo‘ldik. Bu tajribadan xulosa chiqarishimiz, xatolarni tuzatishimiz kerak. Bu iztirob bizga keyingi o‘yinlarda bosimni oshirish uchun yoqilg‘i bo‘ladi», — dedi Stouns.
Maʼlumot uchun, mazkur mag‘lubiyatdan so‘ng «shaharliklar» 10 ochko bilan Chempionlar ligasining umumiy turnir jadvalida oltinchi o‘rinda bormoqda.
