Stiven Jerrard yana sobiq jamoasini boshqarishi mumkin
Photo: Getty Images
“Liverpul” afsonasi Stiven Jerrard yana "Reynjers"ni boshqarishi mumkin. Bu haqda The Telegraph xabar berdi.
Manbada aytilishicha, Shotlandiya klubi 44 yoshli mutaxassisni bosh murabbiylikka nomzodlar ro'yxatiga kiritgan. Katta ehtimol bilan Jerrard yana klub postini egallashi kutilmoqda.
Oxirgi oylarda jamoada murabbiylar almashinuvi ro'y berdi. Jumladan, Filipp Klemann fevral oyida bu lavozimni tark etgan, jamoani Barri Fergyuson vaqtincha boshqarmoqda.
Hozirda "Reynjers" 35 turdan keyin 68 ochko jamg'arib, Shotlandiya chempionati turnir jadvalida 2-o'rinni egallab turibdi.
Eslatib o'tamiz, Jerrard 2018 yildan 2021 yilgacha Glazgo jamoasini boshqargan va u bilan mamlakat chempionligini qo'lga kiritgan.
Roziqjon Sultonmurodov
Jurnalist